Гэрт байгаа радиатор дээр температур тохируулагчийг суурилуулснаар өрөөний температурыг хүссэн хэмжээндээ тохируулж байх боломжтой болох бөгөөд энэ нь эрчим хүч, халаалтын зардлыг хэд дахин бууруулна.

Шөнийн цагт гэрийн дулааныг цонхоор алдахгүйн тулд хөшигөө хааж байх хэрэгтэй. Цонх болон хаалгаар салхи сийгэж байгаа эсэхийг шалгаж, шаардлагатай бол засаж, битүүмжилж байгаарай.

Өрөөнөөс гарахдаа заавал гэрлээ унтрааж бай!

Цахилгаан хэрэгслүүдийг асаалттай орхихгүй байх хэрэгтэй. Жишээ нь зурагтыг удирдлагаар нь унтраахад тог гүйж л байдаг. Мөн компьютер, гар утас зэргийг шаардлагатай хугацаанаас нь илүүгээр цэнэглэх хэрэггүй.

Угаалгын машин, аяга таваг угаагч зэргийг бүрэн дүүргэсний дараагаар ажиллуулж байх хэрэгтэй. Нэг удаа бүрэн дүүргээд ашиглахад хоёр удаа хагас дүүргэхээс бага эрчим хүч зарцуулна.

Зөвхөн өөрт шаардлагатай хэмжээний усыг л буцалгаж байгаарай.

Крантнаас тань байнга ус дусалдаг бол яаралтай засуулах шаардлагатай бөгөөд крантыг бүрэн хааж байх хэрэгтэй. Нэг долоо хоногт тал ванныг дүүргэхээр их хэмжээний усыг алдаж байдаг.

Эрчим хүчний хэмнэлттэй гэрлийн чийдэнг ашиглаж байх хэрэгтэй. Тэдгээр нь энгийн чийдэнтэй харьцуулахад ашиглалтын хугацаа урт, эрчим хүчний хэмнэлттэй байдаг.

Шүршүүрт орохдоо аль болох бага хугацаа зарцуулах нь халуун ус, халаалтанд зориулагдах эрчим хүчийг хэмнэнэ.